لم ارى فى حياتى حيوان طماع ذى البنى آدم؛ الأصل فى الحياة هو اننا نتعايش؛ اننا طبقات نكمل بعضنا؛ طبقات دى مش طبقات اجتماعية؛ دى طبقات فى القدرات و المواهب بمعنى انى كاتبة اسعدك بما اكتب و احفزك فأفرح و اشحنك بطاقة فتصنع ملابس البسها او زراعة اكلها؛ من زاوية اخرى الزارع بيزرع محاصيل يأكلها الحداد و العامل اللى بيصنع الجرار للمزارع ؛ طبقات و قدرات مختلفة من الخدمات بنكمل حيوات بعض ؛ لكن ليه بقه نبقه متعايشين عادى كدة من غير طمع ؛ فتلاقى المزارع بخبى محصوله و يبيعه للحداد بأغلى الأسعار فالحداد
يتنك عليه و مايعملوش الجرار الا بأعلى سعر قالنجار يدبحه علشان ياخد منه فلوس اكتر فى تمن الموبليا اللى هايصنعها له مهو محتاج فلوس يشترى بيها المنتجات الزراعية من اللى متخبية و بتتباع بالغالي! و محتاج يشترى المسامير الحديد اللى سعرها مبالغ فيها عند الحداد ؛ هوباا اللى بيزرع عمل سور سلك على أرضه ماحدش يدخل لحسن يقطف لمونه بيغلى منتجه بالحرمان؛ يلااا الحداد حط أمن على الورشة و اطلق عليها اسم مصنع ؛ يسكن النجار طبعا لاء راح عامل بوابة على الورشة و اطلق عليها شركة إنتاج موبليا؛ يجى حد معاه سلاح يحط عليهم كلهم سور من برة و يحط لهم قوانين : ماحدش يبيع و لا يشترى الا لما يدفع لى ايتاوة قصدى ضرايب ! و الا هايدخل السجن بتاعى ؛ طب ليه ياولاد الكلب كلكم ده الأصل فى الحياة اننا طبقات تكمل بعض ؟! مافيش اى دين و لاقانون من اللى انت عملته بنفسك يديك الحق تعمل فى اى طبقه بتكمل لك حياتك كدة ؟! بتقرفوا بعض و تقرفونا معاكم ليه ياجزم ؟! كل شيىء فى الحياة حق للجميع ؛ افتحوا الحدود للسودانين كلنا بنى ادمين و الكرة الأرضية لينا كلنا ●