النهاردة معانا رواية مميزة جدًا، اسمها "جرمينال"، للكاتبة شيرين رضا.
عدد صفحات الرواية 147 صفحة... بس كل صفحة فيها وجع، ووعي، وقوة.
حين يصبح الصمت جريمة بلا شهود...
الجملة دي مش مجرد عنوان فرعي، دي اختصار حقيقي للحكاية.
الرواية بتحكي عن بنت قررت تواجه جرائم الجهل والصمت،
رغم إنها كانت وسط مجتمع بيهرب من الحقيقة، وبيحاول يدفنها تحت التراب.
واجهت صعوبات...
ممكن تكون وقعت، ممكن تكون انكسرت،
لكن في وسط كل ده... اكتشفت إن الحقيقة ليها وجهين،
وإنت، كقاريء، اللي هتحدد في الآخر... الحقيقة كانت فين.
الرواية ممتعة جدًا، أسلوبها بسيط لكن عميق،
وبتخليك تسأل:
هل في مجتمعات ممكن الصمت فيها يكون أخطر من الكلام؟
من أكتر الاقتباسات اللي أثرت فيا في الرواية:
"لقاء كوميض برق يمزق عتمة الزمان، حيث تنصهر الأحلام في لعب الشوق المتقدم."
شكرًا للكاتبة شيرين رضا على الرواية الجميلة دي،
وإن شاء الله مستنيين منها أعمال أقوى وأقرب لقلوبنا.
