قلبى اللى عاش يحبك 

قلبى اللى عاش يحبك

عمره فى مايعرف يحب غيرك

لسانى اللى مبطلش

كلام فى سيرتك

وعنيا اللى شايفة تملى

غير صورتك

صوابع ايديا اللى متعلمتش

تكتب إلا حروف إسمك

ومتعزفش غير ألحانك

ورجليا اللى مبتخطيش

إلا على خطاكى

ومبتمشيش غير على سيرك

والواد اللى طول عمره أسيرك

واللى عمره ما كفر عشيرك

وقلبى اللى غرقان فى خيرك

مستنى اليوم اللى ترجعى تنادى

فيه على طيرك

والقلب اللى عاش يحبك

عمره فى يوم ما هيعرف

يحب غيرك