بافتح وانا راجعة من شغلي عادة اذاعة الاغاني او نغم اف ام، النهاردة لقيت المذيعة ف نغم اف ام بتتكلم عن اهمية (الصبر) وانه من الحاجات اللي بتخلق سعادة الانسان ولازم يتدرب عليها، على الصبر يعني ،
زمان،، زمااان اوووي من عشر سنين، ايام الاخوانجية كنت افتح اذاعة القران الكريم وانا واقفة ف المطبخ الاقيهم بيتكلموا عن اهمية طاعة اولي الامر، يلفوا يلفوا ويرجعوا لطاعة اولي الأمر، جنة ونار وعذاب وعقاب وثواب وبرضه يرجعونا لطاعة اولي الأمر
اقول يا رب يا رب خلصنا من الاشكال دي
نفسي اسمع كلام ربنا وبس ف إذاعة القرآن الكريم مش كلام اولي الامر
دلوقت نفسي اسمع اغاني بس من غير حكم ومواعظ
صبرنا يا رب واصلح الأحوال لاجل العيال