يا أم الشعر متضفر و متحني 

يا أم الشعر متضفر و متحني 

وحشتيني يا نور عيني

يا اللي انا منك و انتِ مني

مهما عدا الزمان و فات 

و مهما حاولت السكات 

هيفضل طيفك جوه مني

هغمض عيني يوماتي

 و أفضل مستني

نتلاقي جوه حلم

 و يجمعني بيكِ مكان

فاكرة زمان لما كان 

جوه حضنك الدفا و الأمان

محتاجة حنان

 بين اديكي أوسع من الكون

بين اديكي الحزن كله يهون 

ست الكون وحشتيني 

يانور عيني 

و حشتني ضحكة شفايفك 

وسط حزني قلبي شايفك

عاوزه اديكي عليا تطبطب

عاوزه كلامك الحلو يرطب

 جفا و قسوة سنيني

وحشتيني يا نور عيني

مستنياكي جوه حلم 

الاقيكي و تلاقيني