وشك غريب
ليه قصدتي تبدلي كافة ملامحك
حاسة حزنك
قلبي لمحك
وانتي لسه مشوفتنيش
نفسي جرحي في يوم يسامحك
نفسي يرجع نبضه ليه ونرجع نعيش
طب م تيجي نمشي تاني
نروح شوارعنا القديمة
نرمي ضحكتنا في احضان العيال
طب م تيجي نغني حاجة
بس انا وانتي
وتسمعنا الحيطان
او م تيجي نحكي تاني
نحكي حاجة في الخيال
وتسيبيني لوحدي اسرح في العصاية والبساط
اعزميني مرة تاني في قهوة بلدي
وافطريني من العياط
واما اقولك يلا بينا
اسحبي مني البساط
واحضنيني
حسسيني أن وجودك كان أهم من الخيال
سمعيني بس صوتك
احكي حاجة زي زمان
واما اقولك قلبي لمحك
ليه قصدتي تبدلي كافة ملامحك
كدبيني
بس شرطي
اعزميني مرة تاني في قهوة بلدي
وافطريني من العياط
واما اقولك يلا بينا
اسحبي مني البساط
واحضنيني
حسسيني أن وجودك كان أهم من الخيال
سمعيني بس صوتك
احكي حاجة زي زمان
***********************
مي منصور